افضل جلاش حلو على الاطلاق

سر جلاش المحلات

للحصول على افضل جلاش ويكون مورق ومقرمش وخفيف
1- يدهن ورق الجلاش بخليط من السمنه البقرى والزيت(3/4 سمنة  و1/4 زيت)(وبلاش الزبده لانها بتخلى الجلاش طرى من جوه)
2-لابد من دهن الورق جيدا بفرشاه فلا نترك مكان غير مدهون بالسمنة
3-الشيرة او الشربات لابد ان يكون تقيل(2 كوب سكر-كوب ماء-ملعقة عسل جلوكوز-فانيليا)
ملحوظة:لو هتعملى الشيره بالليمون تبقى المقادير(11/2كوب سكر-كوب ماء -عصير نصف ليمونه صغيره-فانيليا)
4-ودى اهم خطوة (بعد دهن ورق الجلاش بالسمنة يدخل الثلاجة لمده نص ساعه عشان يتجمد السمن ودا اللى بيخليه مورق وهش لان لما بتكون السمنه جامده وتقابل حرارة الفرن السخنه دا بيخلى الجلاش هش جدا ومش طرى من جوه)
5-يدخل الجلاش على درجه حراره متوسطه مش عاليه قوى

جربى الطريقة دى والكل هيسالك عن سرك فى عمل الجلاش بكل انواعه

بالهنا والشفا